თბილისის პოლიტიკური სწავლების სკოლა
თბილისის პოლიტიკური სწავლების სკოლა, როგორც არასამთავრობო ორგანიზაცია, დაარსდა 1999 წელს.
სკოლა არის სივრცე, სადაც ხდება სხვადასხვა პროფესიისა და მისწრაფების მქონე ადამიანების შეკრება და მათი ჩამოყალიბება დემოკრატიულად მოაზროვნე, საუკეთესო ეროვნული და ზოგადსაკაცობრიო კულტურული ტრადიციების გამზიარებელ, სამართლებრივი სახელმწიფოს შემქმნელ, პასუხისმგებლიან, გამბედავ მოქალაქეებად.
სკოლა თავისი უნიკალური მეთოდიკით (სამეცნიერო, პრაქტიკული, კულტურისა და სოციალური აქტივობების ჰარმონიული შეთავსებით, აპოლიტიკურობისა და ე.წ. ჩეთემ ჰაუსის წესის დაცვით) ჩამოყალიბდა ქვეყანასა და რეგიონში დემოკრატიული აზროვნების, სამოქალაქო პასუხისმგებლობისა და ცნობიერების მატარებელი ლიდერების საუკეთესო სამჭედლოდ, სამოქალაქო, პოლიტიკური და სამართლებრივი კულტურის მძლავრ მხარდამჭერ სივრცედ.
თბილისის პოლიტიკური სწავლების სკოლა 25-ე წელია, ერთგულად ემსახურება საქართველოში დემოკრატიული კულტურის ჩამოყალიბებას, სამოქალაქო და სახელმწიფო სივრცეებისთვის ევროპულად მოაზროვნე ახალგაზრდა ლიდერების ფორმირებას. სკოლა ფუნქციონირებს ევროპის საბჭოს ეგიდით, აშშ-ს, ევროკავშირის და მისი ცალკეული წევრი სახელმწიფოებისა და საერთაშორისო ორგანიზაციების მხარდაჭერით.